जोमै साग्लोबदोंमोन

जोमै साग्लोबनाय सानजौफु बेयो

दानिया मोनाबिलिआव सिरि स्राय
जायो बै गामिया ;
दैमा सेरनि थायजौआबो होथेदों
गुबुन फार दैमानि |

जै जै मै मै देंखोनि फस्तारखौ
दास्तबिनाव गारदोंमोन;
जानो हागो दिनै अर आरो
जाबोरबारियाव बि देंखो |

हराव अखाफोरा सोरां होलिया,
सानाव जोमैआ साग्लोबो;
सिथलायाव सल' बुंनो
आबैयाबो गैलिया |

फोथाराव अर आरो लामाथिं आं
उदां गोसोजों थाबायबोदों
रावबो गैया स्रि स्राय
गैथैसालिबादिनो |

थायजौ गुदियावबो रावबो फैलिया
दैनि खोलो खोलो बोहैनाय आरो आं,
अख्रांआव नायो;
जोमै साग्लोबनाय सानजौफु नाय बेयो|

नोंथांआ खन्थाय लिरदों नामा?ब्लगाव नोंथांनि खन्थायखौ फोसावनो थाखाय बेयाव मेसेज  हर 8811806154 (Whatsapp only)बेयाव मेसेज हर

गलाप बिबार

खु गलाप आरो खु

खुजों बुंफबनाय दायसे दालाय

हाब्रुआव गोग्लैना दोंमोन;

थाथों बियावनो बियो

सानसे समायना न' लुगोन।

आलायअरन जाहाबबाय,मेगन बेखेवबाय,

गोजा गोमो गाबजों समायना;

आरोबाव समायना,नुनाय

गोथां गलाप गाबनि महरा।

समायनाबो नुबाय,मोजांबो मोनबाय
थाथों समायनाया बियावनो;थेवब्लाबो,
दुखुजों लोगोसे शान्ति।

समआ बारलांदों,बिबारा लहरायदों
दिनै एसे गाबोन एसे गैया जाबोदों;
जाहाबनाय आलायअरनथिं नायहरना नुयो;
खु गलाप आरो ख

आंनि देंखोआव

आंनि देंखोआव

मेसेंनि अख्रांआव जोमै
लायो
मोनब्ला अखा हागौमोन,
रंजागौमोन खुदियाफोरजों दैयाव;
रा़ज्ला़गौमोन बिजों... 


राजालामानि बास सिंआव
खुदियानि गाबनाय,
बिखौ नांगौ,बेखौ नांगौ;
बेनोमोनथ' हास्थायनाय।

दिनै सना गाबनि मायखौ
आबादारिआ मायनाव बरायबाय,
साननि गोमो गाबाव जोंखांनाय
नाराखौ लाउखारा हालांबाय...



सिफुंनि बा देंखो लाउखारा सुयोबोला,
अनजालिया खोनाया दिनै;
नांगौ गोदै आरो गोदैसिन
सिफुंनि स्नि देंखो।



थांनाय अम्बासिनि हाथरखिया
सिफुंनि बा देंखो खोनासंआब्लानो बेलासिनि हाबहां
गोजा सानआ नेथ'आना दिनै;
आंनि देंखोआव!

बेयाव मेसेज हर